Sunnudagur 17. júlí kl. 13:00 – 16:00
Sunnudaginn 17. Júlí verður hin árlega Harmonikuhátíð Reykjavíkur haldin venju samkvæmt í Árbæjarsafni og hefst dagskráin kl. 13.00.
Þarna er einstakt tækifæri til að kynnast og njóta í návígi margra okkar bestu og þekktustu harmonikuleikara í mögnuðu umhverfi safnsins.
Þessi árlega harmonikuhátíð í Árbæjarsafni, hefur síðustu árin notið sívaxandi vinsælda og er nú orðin einn fjölsóttasti viðburður safnsins, enda ógleymanlegt tækifæri fyrir alla aldurshópa til að rifja upp sögu okkar við viðeigandi undirleik ljúfrar harmonikutónlistar á fallegum sumardegi í Minjasafni Reykjavíkurborgar.
Meðfylgjandi er mynd af hinum landsþekkta Karli Jónatanssyni harmonikuleikara og stofnanda Harmonikuhátíðar Reykjavíkur, en Karl féll frá á nítugasta og öðru aldursári í byrjun þessa árs og verður Harmonikuhátíð Reykjavíkur í ár, og héðan í frá, haldin í minningu Karls en eins og margir muna eflaust skemmti hann einmitt gestum Árbæjarsafns með fágaðri spilamennsku um árabil alla sunnudaga yfir sumartímann. Myndin er einmitt tekin á fallegum sunnudegi í Árbæjarsafni fyrir nokkrum árum.
Vinsamlega hafið samband við okkur eða Árbæjarsafn ef fleiri myndir eða nánari upplýsingar óskast.
Bestu kveðjur og þakkir
F.h. Harmonikuhátíðar Reykjavíkur
Jónatan Karlsson s. 822 2268 og Ingi Karlsson s. 896 9790
Árbæjarsafn – Borgarsögusafn Reykjavíkur
Tengiliður: Sigurlaugur Ingólfsson s: 4116305
[email protected]
