Hverfandi menning – Djúpið er nafn á sýningu á ljósmyndum eftir Þorvald Örn Kristmundsson sem opnar í Ljósmyndasafni Reykjavíkur laugardaginn 21. maí n.k.
Menningararfleifð okkar er í stöðugri mótun og breytingu. Í því skyni að varðveita hverfandi þætti úr menningu okkar er mikilvægt að fanga þá og festa í minninu til frambúðar í stað þess að skilja eftir óskrifað blað. Verkið „Hverfandi menning – Djúpið “ gefur innsýn í menningu og samfélag bænda í Ísafjarðardjúpi ásamt þeim stórstígu félagslegu breytingum sem eiga sér nú stað. Hérlendis líkt og víðar hefur þjóðfélagsþróun síðustu ára reynst mun örari en áður hefur þekkts. Rótgróin menningarsamfélög og hefðir hafa tekið stakkaskiptum. Unga fólkið tekur ekki við bústörfum forfeðranna heldur flytur í bæi og borgir á vit nýrra og fjölbreyttari tækifæra. Sýningin samanstendur af svarthvítum ljósmyndum af þeim bændum í Djúpinu, eyðibýlum, landslagi og öðrum sérkennum þessarar menningar sem nú er að hverfa.
Þorvaldur hefur unnið við fjölmiðlun frá 1991-2012, aðallega hjá Frjálsri Fjölmiðlun og Árvakri. Í dag er Þorvaldur forstöðumaður viðskiptaþróunar hjá Inkasso og stundar nám í fjölmiðlafræði við Háskólann á Akureyri. Þorvaldur hefur haldið fjölda einkasýninga á 20 ára ferli sínum og meðal Visa Pour l´Image – Perpignan, France, Copenhagen Photo Festival og Perspektivet Museum Tromsø Norway. Þorvaldur hefur setið í stjórn og samninganefnd Blaðamannafélags Íslands og verið formaður Blaðaljósmyndara Félags Íslands í 12 ár. Frá 1997 til 2001 vann Þorvaldur verkefni tengt flóttafólki og stríðshrjáðum svæðum í Afganistan, Pakistan, Íran, Kosovó og Bosníu ásamt átökum Palestínumanna og Ísraelsmanna.
Sýningin er hluti af Listahátíð Reykjavíkur og stendur til 11. september 2016.
Opening of a new exhibition at Reykjavík Museum of Photography
****************************************************
Vanishing Culture – Westfjords is the name of a new exhibition with photos shot by Þorvaldur Örn Kristmundsson that will be opened at Reykjavík Museum of Photography Saturday May 21.
Our cultural heritage is forever changing and shifting. In order to preserve rapidly vanishing ways of life, it is important to capture an image instead of leaving a bland page for future generations. This project depicts life in one of the oldest farming communities in Iceland, in the isolated, unspoiled and spectacular West fjords where hardship and harsh conditions have marked daily life since the time of the first settlers. In Iceland, as elsewhere, young people head to larger towns and cities in search of opportunities. The trend is this remote farming community close to the arctic Circle is also a global one; heritage and traditions die out when there is no-one to take over the family farm.
This exhibition consists of black & white photographs, depicting the stories of the farmers and their surroundings, during a time of unprecedented transformation.
Þorvaldur has worked in the media for over 20 years and has held many private exhibitions both in Iceland and abroad, with installations hosted at the Visa Pour l´Image, Perpignan, France, the Copenhagen Photo Festival and the Perspektivet Museum, Tromsø, Norway. For further information please visit the website: https://www.thorvaldurorn.com/about.html
The exhibition is a part of Reykjavík arts festival, the final exhibition day is September 11, 2016.
****************************************************
Tengiliður / Contact:
Helga Maureen Gylfadóttir
[email protected]
+ 354 4116354 / 693-6992
Kær kveðja,
Guðrún Helga Stefánsdóttir
Verkefnastjóri markaðs- og kynningarmála
S: 411-6343 / 899-6077
[email protected]
Sýningarstaðir Borgarsögusafns eru:
Árbæjarsafn, Landnámssýningin Aðalstræti,
Ljósmyndasafn Reykjavíkur Grófarhúsi,
Sjóminjasafnið í Reykjavík Grandagarði auk Viðeyjar.
