HALLDORA er íslenskt hátísku skó og fylgihlutamerki í eigu Halldóru Eydísar skóhönnuðar, stofnað 2011. Halldóra einbeitir sér að því að gera þægilega og fallega hælaskó, en hælar, snið og öll mót eru sérstaklega hönnuð og þróuð af henni. Hún fær innblástur frá villtri ósnortinni náttúru Íslands og gömlum hefðum. Vörurnar eru handunnar og oft með skemmtilegum smáatriðum, s.s. hekluðum hrosshárum, einstöku náttúrulegu hreindýraleðursmynstri og samsetningum.
