Svavarssafn – Næturvarp

Svavarssafn
Ásta Fanney Sigurðardóttir- Næturvarp
28. október 2023 – 16. febrúar 2024

Næsti listamaður sem sýnir í Svavarssafni er Ásta Fanney Sigurðardóttir. Verk hennar eru ekki bara bundin við striga eða rými heldur vinnur hún frjálst með tóna, hljóð, orð og gjörninga í verkum sínum. Meðal verka í þeim anda eru verkin Lunar-10.13&Gáta Nórensu sem hún sýndi á listahátíð í Reykjavík, en Ásta Fanney hefur m.a. sýnt verk sín í Casino Luxembourg, Nóbelsafninu í Svíþjóð og Listasafni Reykjavíkur.

Sýningin Næturvarp er innblásin af verkum Svavars Guðnasonar og Jón Leifs. Sýningarstjóri sýningarinnar er Margrét Áskelsdóttir. Hún er starfandi ráðgjafi við Listaverkaeign Seðlabanka Íslands og situr í stjórn Listfræðafélags Íslands og Myndlistarmiðstöðvar. Margrét hefur komið að fjölmörgum sýningarverkefnum og útgáfum um myndlist og menningu, innan lands sem utan bæði sem framkvæmdastjóri BERG Contemporary og útgáfustjóri Crymogea bókaútgáfu svo dæmi séu nefnd. Margrét hefur lokið prófi í listfræði, fjölmiðlafræði og frumkvöðlafræði.