Spila lög af væntanlegri breiðskífu
Sycamore Tree heldur tónleika á KEX Hostel í Gym & Tonic salnum, laugardagskvöldið 10. febrúar kl. 21. Ásamt því að spila efni af plötu sinnu SHELTER þá mun hljómsveitin einnig spila nýtt efni. Sycamore Tree hefur haldið tvo afar vel heppnaða tónleika í lok síðasta árs fyrir fullu húsi.
Tónlist þeirra Ágústu Evu Erlendsdóttur og Gunna Hilmarssonar hefur fengið mikla spilun á öldum ljósvakans og eru þau tilnefnd til fjögurra verðlauna á hlustendaverðlaununum sem verða núna í febrúar. Það er þeim sérstök ánægja að halda nú tónleika á KEX þar sem þau einmitt hittust í fyrsta sinn til að leggja drög að tónlist Sycamore Tree. Þeim til fulltingis verða Unnur Birna Björnsdóttir og Arnar Guðjónsson.
Miðaverð er 3.490
Forsala er á tix.is
