Úr Búrfelli rétt sunnan Hafnarfjarðar, rann mikið hraun 6000 árum fyrir Krist, hraun sem rann í sjó fram bæði í Hafnarfirði og í Garðabæ. Hraun sem hefur mörg nöfn, eitt þeirra er Molduhraun, nú hverfi sem er lifandi athafnarsvæði, Garðabæjarmegin við landamærin við Hafnarfjörð. Þarna eru alþjóðleg íslensk stórfyrirtæki með höfuðstöðvar eins og Marel, Controlant, og 66°Norður. Líka ríkisfyrirtæki, en Vegagerðin er með höfuðstöðvar sínar í Molduhrauni, sem liggur í þjóðleið, vestan við Reykjanesbraut, hinu megin við brautina eru Toyota, Costco og IKEA með sínar risastóru verslanir. Svæðið er einstakt á Íslandi, við kíktum við, enda athafnasvæðið einstakt, í hrauni sem rann, og mun renna aftur, löngu eftir okkar daga. Vonandi.
Texti og ljósmyndir: Páll Stefánsson
Garðabær 17/09/2025 – RX1R II : 2.0/35mm Z
