Reykjanesbær á flugi

Reykjanesbær (Keflavík/Njarðvík) á Reykjanesi er fjórði fjölmennasti bær landsins, með 22.911 íbúa. Hvergi á Íslandi hefur íbúum fjölgað jafn hratt og mikið og í bænum, en íbúum hefur fjölgað um 53.5% á síðustu tíu árum. Til samanburðar hefur íbúum í Reykjavík fjölgað um 16.8% á sama tíma. Hlutfall erlendra ríkisborgara er hvergi hærra í stærri sveitafélögum landsins, því 34.4% íbúa Reykjanesbæjar eru með erlent ríkisfang. Það er fyrst og fremst Keflavíkurflugvöllur, alþjóðaflugvöllurinn við bæinn sem hefur drifið áfram þessa miklu fólksfjölgun, en ferðaþjónustan hefur vaxið mjög hratt á síðustu tíu árum. En

Reykjanesbær er meira en bara flugvöllurinn, þarna leynast gamlar perlur, fallegar kirkjur og söfn, og hafnarstemming sem minnir á gamla tíma, þegar fiskvinnsla og útgerð voru annað hryggjarstykkið í atvinnu bæjanna Keflavíkur og Njarðvíkur, sem sameinuðust í eitt sveitarfélag árið 1994, ásamt Höfnum og Ásbrú, byggð Bandaríska flotans á Keflavíkurflugvelli. Bandaríkjamenn yfirgáfu herstöðina í september árið 2006, þegar kaldastríðinu lauk, eftir að starfað þarna frá árinu 1951.