Dieter Roth

Dieter Roth

i8 opnar sýningu á verkum svissnesk-þýska listamannsins Dieter Roth (1930-1998). Sýningin opnar 9. Desember og mun standa yfir til 29. Janúar 2022. Sýnd verða verk unnin á pappír og skúlptúrar auk verka sem unnin eru með blandaðri tækni sem Dieter vann á þeim árum sem hann var búsettur hér á landi.

Dieter Roth vann á ferli sínum umfangsmikið samsafn bókverka, teikninga, málverka, höggmynda, innsetninga og vídeóverka, auk þess sem hann skrifaði og gaf út bækur, samdi ljóð og tónlist. Gífurleg fjölbreytni í viðfangi hans og tækni er til marks um margbreytileika listsköpunar hans. Dieter var þekktur fyrir að notast við óhefðbundin efni sem hefðu í sér þann eiginleika að skemmast eða grotna niður líkt og súkkulaði, ávexti og saur og var það liður í rannsókn hans hvar mörk hefðbundinnar listrænnar tjáningar og birtingarmynda lægju.

Á sýningunni í i8 má finna skúlptúra og fjölfeldi en sérstök áhersla er á að sýna einstök verk á pappír eftir listamanninnn. Sýningin nær yfir verk sem unnin voru í teikningu, málverk og blandaða tækni á pappír á sjöunda og áttunda áratug síðustu aldar. Flest eru verkin fígúratíf, gædd ríkri tjáningu, en í teikningunum má greina áhrif konstrúktisma, geómetrískar abstraksjónar og súrrealisma. Verk Dieters á pappír auk bókverka hans, skúlptúra og annarra miðla sækja oft í sjálfsævisöguleg atriði og sýna með glöggum hætti hvernig líf og list Dieter Roth voru fullkomlega samþætt.

Dieter Roth fæddist í Hannover í Þýskalandi árið 1930 en fluttist til Sviss árið 1943 á árum seinni heimsstyrjaldarinnar. Árið 1957 fluttist Dieter til Íslands og var hér kvæntur. Hann telst til einna áhrifamestu listamanna í Evrópu á árunum eftir stríð og hafði gríðarleg áhrif á íslensku listasenuna. Hann var gæddur flökkueðli og vann í ótal borgum á ævinni en var langdvölum í Reykjavík og í Basel í Sviss, þar sem hann lést árið 1998. Verk Dieter Roth má finna í helstu söfnum heims svo sem Tate í London, The Museum of Modern Art í New York og Centre Pompidou í París.

Frekari upplýsingar veitir Þorlákur Einarsson í síma 551 3666 eða [email protected]

Related Articles

    Teréziu & Enaldo í Litla Gallerý

    Teréziu & Enaldo í Litla Gallerý

    Dagana 30. júní - 3. júlí n.k. verður samsýning á verkum Teréziu & Enaldo í Litla Gallerý Strandgötu 19 Hafnarfirði....

    Breiðdalssetur

    Breiðdalssetur

    Sýning Í húsnæði setursins er sýning um jarðfræði Íslands og birtingarmyndir hennar á Austurlandi. Einnig getur þar að ...

    Augu sem tjarnir

    Augu sem tjarnir

    Augu sem tjarnir Ryan Mrozowski 18. ágúst - 8. október 2022 Verið velkomin á opnun sýningar Ryan Mrozowski, Augu se...
    Hafdís Vigfúsdóttir og Grímur Helgason

    ANDRÝMI Í LITUM OG TÓNUM

    ANDRÝMI Í LITUM OG TÓNUM

    Hádegistónleikar Íslenska flautukórsins í Listasafni Íslands, föstudaginn 23. febrúar kl. 12.10.  Íslenski flautukórinn...


Tryggvagata 16 101 Reykjavik

+354 551 3666

[email protected]

i8.is


DECEMBER 20921 - 29 JANUARY 2022


CATEGORIES


NEARBY SERVICES

  • Best of Iceland

    Best of Iceland