Líðandin – la durée: Leiðsögn sýningarstjóra

Aldís Arnardóttir sýningarstjóri

Aðalheiður Valgeirsdóttir og Aldís Arnardóttir sýningarstjórar sýningarinnar Tímalög

Sunnudag 21. janúar kl. 14.00 á Kjarvalsstöðum

Leiðsögn með Aldísi Arnardóttur, sýningarstjóra sýningarinnar Líðandin – la durée.

Á sýningunni eru mörg sjaldséð verk, einkum frá fyrri hluta starfsævi Jóhannesar Sveinssonar Kjarval (1885-1972).

Á öðrum áratug síðustu aldar varð Kjarval fyrir áhrifum frá ríkjandi liststraumum í Evrópu, þar sem sundurgreinandi form og uppbrot sjónarhornsins voru meðal helstu einkenna ýmissa framúrstefnuhreyfinga, einkum kúbista og fútúrista.
Kjarval var ekki bundinn á klafa ákveðins stíls eða hugmyndafræði heldur leitaði víða fanga og vann úr stefnum og stílum á persónulegan hátt. Titill sýningarinnar, Líðandin – la durée, vísar í kenningar franska heimspekingsins Henris Bergson (1851-1941) sem var vel þekktur meðal almennings og lista- og menntamanna í Evrópu og Bandaríkjunum í upphafi tuttugustu aldar.

Á sýningunni er leitast er við að skoða hvernig áhrif hugmynda Bergsons birtast í myndmáli Kjarvals, frá námsárunum þar sem hann tekst á við tímann sem líðandi innan sömu myndar með því að brjóta upp formið og skapa þannig hreyfingu og flæði. Síðar sést hvernig Kjarval vinnur með tímann sem endurtekningu í landslagsmyndaröðum þar sem hann endurtekur myndefnið æ ofan í æ frá sama stæðinu. Með endurtekningunni nær Kjarval að kafa djúpt í skynjun sína á náttúrunni og tímanum sem hinum eiginlega rauntíma eða líðandi.

Aðgöngumiði á safnið gildir. Frítt fyrir handhafa Árskorts Listasafns Reykjavíkur og Menningarkorts Reykjavíkur.

Related Articles

    JÓNA HLÍF HALLDÓRSDÓTTIR

    JÓNA HLÍF HALLDÓRSDÓTTIR

    Jóna Hlíf Halldórsdóttir Meira en þúsund orð Salur 01 06.06.20 – 16.08.20 „Mynd segir meira en þúsund orð. Mynd s...

    Ásta Vilhelmína Guðmundsdóttir

    Ásta Vilhelmína Guðmundsdóttir

    Ásta Créative Clothes Ásta Vilhelmína Guðmundsdóttir er íslensk listakona og fatahönnuður, en listaverk hennar og...

    Arna Óttarsdóttir innan skamms, aftur

    Arna Óttarsdóttir innan skamms, aftur

    Arna Óttarsdóttir innan skamms, aftur 20. október - 26. nóvember 2022 innan skamms, aftur er önnur sýning Örnu Óttarsd...

    Eva Ísleifs og Rebecca Erin Moran

    Eva Ísleifs og Rebecca Erin Moran

    Leiðsögn listamanna – Iðavöllur: Eva Ísleifs og Rebecca Erin Moran Laugardag 12. júní kl. 14.00 í Hafnarhúsi ...


Flókagata 24 105 Reykjavík

+354 411 6420

[email protected]

listasafnreykjavikur.is/kjarvalsstadir



CATEGORIES

NEARBY SERVICES

  • Best of Iceland

    Best of Iceland