SUNNUDAGSLEIÐSÖGN ELINA BROTHERUS – LEIKREGLUR

elina brotherus

Ljósmynd: Elina Brotherus, Orange Event, 2017. Úr myndaröðinni Règle du Jeu / Leikreglur

Ljósmyndarinn Bára Kristinsdóttir leiðir gesti um sýninguna Elina Brotherus – Leikreglur, sunnudaginn 25. mars kl. 14.

Listasafn Íslands sýnir ný verk eins þekktasta ljósmyndara samtímans, Elinu Brotherus.

Elina Brotherus (f. 1972 í Finnlandi) fæst að mestu við gerð sjálfsmynda og landslagsmynda. Í verkum Elinu má skynja sterka nálægð hennar sjálfrar en hún kemur fyrir í öllum ljósmynda- og vídeóverkum sýningarinnar, berskjölduð og hispurslaus. Verkin eru unnin á árunum 2014-2017 og einkennast af marglaga frásögnum sem sveiflast á milli kímni og trega. Í mörgum þeirra setur Elina sér leikreglur og fer eftir þeim innan ramma myndavélarinnar, sem er í senn leikfélagi hennar og sálarspegill.

Verk Elinu vöktu snemma athygli vegna nálgunar hennar á notkun ljósmiðla til endurspeglunar á tilfinningalífinu og leikriti hins daglega lífs. Hún kannar persónulegar en í senn sammannlegar upplifanir, sjálfsmyndina, tímahugtakið, nærveru og fjarveru ástarinnar.

Elina Brotherus nam ljósmyndun í Helsinki og býr í Finnlandi og Frakklandi. Hún hóf að sýna verk sín í lok 10. áratugarins sem hluti af hinum þekkta Helsinki School hópi ljósmyndara í Finnlandi og hafa verk hennar síðan verið sýnd víða, s.s. í Centre Pompidou í París; Neue Berliner Kunstverein í Berlín; Þjóðarlistasafni Finnlands Ateneum í Helsinki og Louisiana nútímalistasafninu í Danmörku. Verk Elinu voru sýnd í i8 Gallery í Reykjavík árið 2000 og á samsýningu í Gerðarsafni í Kópavogi árið 2006.

Sýningarstjóri: Birta Guðjónsdóttir

Aðgöngumiði á safnið gildir. Frítt fyrir meðlimi Selmuklúbbsins. 

 

Sýningin er á dagskrá Ljósmyndahátíðar Íslands 2018

Related Articles

    Guðjón Samúelsson húsameistari

    Guðjón Samúelsson húsameistari

    Fáir listamenn hafa haft meiri áhrif á mótun íslensks samfélags með áþreifanlegum verkum en húsameistarinn Guðjón Samúel...

    Júlíana Sveinsdóttir

    Júlíana Sveinsdóttir

    Júlíana Sveinsdóttir ( 1889-1966 ) Júlíana Sveinsdóttir (31. júlí 1889 - 1966) var einn af fyrstu málurum og textílis...

    Guðmundur Thoroddsen

    Guðmundur Thoroddsen

    HVERFISGALLERÍ býður þér á opnun sýningar Guðmundar Thoroddsen Hundaholt, Hundahæðir, laugardaginn 6. júní kl. 16.00 ...

    D33 Tónn: Leiðsögn listamanns í Hafnarhúsi

    D33 Tónn: Leiðsögn listamanns í Hafnarhúsi

    D33 Tónn: Leiðsögn listamanns Fimmtudag 12. apríl kl. 20.00 í Hafnarhúsi Anna Fríða Jónsdóttir verður með leiðsögn um ...


Listasafn Íslands, Fríkirkjuvegi 7 101 Reykjavík

+354 515 9600

[email protected]

www.listasafn.is


25. mars 2018 kl. 14:00


CATEGORIES



NEARBY SERVICES

  • Best of Iceland

    Best of Iceland