Þorvaldur Skúlason

Þorvaldur Skúlason (30. apríl 1906 – 30. ágúst 1984) var einn af frumkvöðlum abstraktlistar á Íslandi og undir áhrifum frá kúbismanum sem hann kynntist í Frakklandi á 4. áratugnum.

Þorvaldur Skúlason er óumdeilanlegur brautryðjandi íslenzkrar samtímalistar og einn mesti málari sem við nú eigum. Enginn íslenzkur málari tengir viðlíka saman sögu myndlistar okkar á þessari öld (1983), sjálfur nemandi hinna elztu, Þórarins, Ásgríms og Jóns Stefánssonar, en meistari þeirra sem nú eru í blóma starfs. Því stóra hlutverki hefur hann aðeins getað gegnt vegna þess, að Þorvaldur hefur sjálfur gengið alla þá leið og plægt fyrir sér, svo hver nýr morgunn í list hans hefur haft annan blæ en dagurinn í gær. Því stendur hann nú, nær áttræður maður, enn í broddi þeirra sem hæst hefja hina hreinu myndlist í landi okkar. Í bók þessari rekur Björn Th. Björnsson á sinn ljósa og læsilega hátt ævi hans og listasögu, frá uppvexti og æskumótun, um námsár og síðan öll hin merkilegu stig nýmótunar, sem gjörbreyttu myndlist okkar á síðastliðinni hálfri öld. Sú saga hans er ekki síður rakin í teikningum, ljósmyndum og 85 stórum litprentunum frá öllum ferli hans. Þorvaldur Skúlason, brautryðjandi íslenzkrar samtímalistar Útgefandi – Þjóðsaga.Útgáfuár – 1983

Sjá fleiri greinar um íslenska myndlist klikka hér