Ráðhildur Ingadóttir

Ultimate, Relative

Sunnudag 11. mars kl. 14

Sunnudagurinn 11. mars er síðasti sýningardagur sýningnarinnar Ultimate, Relative, innsetningu Ráðhildar Ingadóttur í aðalsal Hafnarborgar. Að því tilefni mun Ágústa Kristófersdóttir, forstöðumaður Hafnarborgar, gefa leiðsögn um sýninguna klukkan 14. Aðgangur ókeypis og allir velkomnir.

Ráðhildur hefur lengi fengist við hið óendanlega og eilífa í verkum sínum. Með sýningu sinni í Hafnarborg dregur hún upp svipmyndir af eigin heimi með upptökuvél, þar sem hún sækir í eigin reynslu og dregur fram minningar. Við greinum einstakling sem rennir augum sínum yfir fjölda upplifana og ristir fortíðina í nútíðina. Listamaðurinn er í sínum eigin heimi, á þeim stað þar sem hið lítilfjörlega mætir hinu stórmerkilega.

Ráðhildur Ingadóttir er fædd í Reykjavík árið 1959. Hún nam myndlist í Englandi á árunum 1981 – 1986. Ráðhildur hélt sína fyrstu einkasýningu í Nýlistasafninu árið 1986 og hefur síðan sýnt á Íslandi og í Evrópu í ríkum mæli og einnig unnið sem sýningarstjóri hér á landi og erlendis. Ráðhildur var gestakennari við Myndlista- og handíðaskóla Íslands og Listaháskóla Íslands á árunum 1992-2002 sem og við Konunglegu myndlistarakademíuna í Kaupmannahöfn.

Hún var stjórnarmeðlimur í Nýlistasafninu frá 2000-2002. Ráðhildur var listrænn stjórnandi Skaftfells miðstöðvar myndlistar á Austurlandi 2013 og 2014. Hún hefur hlotið starfslaun, verkefnastyrki og ferðastyrki á Íslandi og í Danmörku. Ráðhildur býr og starfar í Kauppmannahöfn, á Seyðisfirði og í Reykjavík. Verk eftir hana eru í eigu Listasafns Íslands, Listasafns Reykjavíkur og Nýlistasafnsins.

 

Hafnarborg, Menningar- og listamiðstöð Hafnarfjarðar, Strandgata 34 220 Hafnarfjörður

+354 585 5790

[email protected]

hafnarborg.is


11. mars 2018 kl. 14:00


CATEGORIES



NEARBY SERVICES

  • Best of Iceland

    Best of Iceland
  • Related Articles

      Aleksandra Babik – Sandra

      Aleksandra Babik – Sandra

      Sandra kom til Íslands árið 1999 til að læra olíumálun við Listaháskóla Íslands en ákvað að ljúka fyrst við mastersgráðu...
      Verk af sýningunni Heildin er alltaf minni en hlutar hennar

      Sýningaropnun: Heildin er alltaf minni en hlutar hennar

      Sýningaropnun: Heildin er alltaf minni en hlutar hennar

      Sýningaropnun í D-sal − Páll Haukur Björnsson: Heildin er alltaf minni en hlutar hennar Fimmtudag 25. janúar kl. 17....

      Magnús Tómasson

      Magnús Tómasson

      Magnús Tómasson er fæddur 29. apríl 1943. Magnús stundaði nám við Menntaskólann í Reykjavík og síðar við konunglegu list...

      Helga S. Aminoff Ingimundardóttir

      Helga S. Aminoff Ingimundardóttir

      Helga Sigurlín Aminoff Ingimundardóttir Víkari vikunnar að þessu sinni er Helga Sigurlín Aminoff Ingimundardóttir en hú...