HUGMYND AÐ FRAMTÍÐARUPPBYGGINGU MIÐBAKKANS Í REYKJAVÍK
Um verkefnið: Tillaga Yrki arkitekta að framtíðaruppbyggingu Miðbakkans við gömlu höfnina í Reykjavík. Tillagan gerir ráð fyrir 150 herbergja hóteli ásamt hágæða þjónustuíbúðum á vegum The Four Seasons hótelkeðjunnar og íbúða-, atvinnu- og þjónsustuhúsnæði á 33.500m². Um er að ræða fyrstu drög og hugmyndin er að þróa tillöguna áfram í samstarfi við Reykjavíkurborg og Faxaflóahafnir, en tillagan var um daginn lögð inn sem fyrirspurn til skipulagssviðs borgarinnar. Stefnt er að því að skapa fjölnota rými bæði utan- og innandyra þar sem almenningsrými, móttaka alþjóðlegra farþegaskipa, verslanir, veitingastaðir, kaffihús, hótel og íbúðir glæða Miðbakkann lífi og tengja hann við miðborgina. Sjá einnig færslu um þetta verkefni á fréttasíðu okkar.
Flokkur: Skipulag
Tímabil: 2020
Staða: Tillaga
Staðsetning: Miðbakkinn í Reykjavík
Stærð: 33.500m²
Verkkaupi: Einkaaðili
Þrívíddarvinnsla: Yrki arkitektar
Yrki var stofnað árið 1997 af þeim Ásdísi Helgu Ágústsdóttur og Sólveigu Berg. Stofan var stofnuð í framhaldi af 1. verðlaunum sem þær hlutu fyrir Lækningaminjasafnið við Nesstofu á Seltjarnarnesi. Í dag starfar hjá Yrki samstilltur hópur hæfileikaríkra hönnuða í arkitektúr, skipulagi og landslagsarkitektúr. Yrki arkitektar leggja ríka áherslu á að mæta kröfum viðskiptavina sinna á faglegan- og hagkvæman hátt.
