Iceguys á Menningarnótt í höfuðborginni

Horft til baka IV

Þegar maður lítur til baka á þær sjö hundruð ljósmyndir sem birtar voru í júlí og ágúst, hjá okkur á Icelandic Times / Land & Sögu, fer maður á flug. Hugsar, hvað það er hlýtt og bjart. Gott að vera hér heima. Þá er erfitt að velja bestu myndirnar. En hér eru níu myndir sem mér þykir vænt um, sem ná sumrinu. Hér eru hversdagsleg augnablik, persónuleg augnablik sem voru, og fóru auðvitað. Maður er fljótur að gleyma, en myndavélin skrásetti augnablikin. Ljósmyndirnar hafa lengri líftíma, lengri en maður órar.