100% Ull

19/09/20 – 31/01/21

Um sýninguna

Ull er klassískur, náttúrulegur efniviður með óendanlega möguleika. Á þessari sýningu getur að líta dæmi um vörur úr íslenskri ull sem hönnuðir og handverksfólk er að fást við í dag.

Það eru skiptar skoðanir á íslensku ullinni. Sumum finnst hún ómöguleg en aðrir dásama hana og hafa lýst yfir að erlend ull sé steingeld í samanburði. Hvað sem því líður þá skiptir máli að geta unnið með efnivið úr sínu nánasta umhverfi.

Ullarvinnsla hefur löngum verið samofin handverks- og iðnaðarsögu þjóðarinnar. Í dag telur íslenski sauðfjárstofninn hálfa milljón kindur Um 750 tonn af ull eru nýtt í ullarframleiðslu á hverju ári.

Ullarvörur voru um langt skeið ein helsta útflutningsvara Íslendinga og á miðöldum var vaðmál, sem ofið var úr ull og mælt í álnum, mikilvægur gjaldmiðill. Enn í dag er talað um að komast í álnir í þeirri merkingu að verða efnaður.

Vinnsla á ull fór fram á heimilum samhliða bústörfum til loka 19. aldar þegar hún færðist yfir í vélvæddar verksmiðjur. Á 20. öld var blómleg framleiðsla á fatnaði og vefnaðarvöru á Íslandi. Með breyttri heimsmynd færðist slík framleiðsla til annarra heimshluta þar sem framleiðslukostnaður er lægri. Í dag sér fyrirtækið Ístex um að þvo, meðhöndla og spinna um 99% af allri íslenskri ull en minni og sérhæfðari ullarvinnslur eins og Uppspuni og Þingborg hafa skotið upp kollinum á seinni árum.

Þátttakendur sýningarinnar koma frá ólíkum sviðum hönnunar og handverks en eiga það sameiginlegt að vinna af hugvitssemi með íslensku ullina í sínum afurðum.

Sjá videó hér

Ásthildur Magnúsdóttir, vefari

Magnea Einarsdóttir, fatahönnuður

Verslunin Kormákur & Skjöldur

Fyrirtækið Kula by Bryndís, sem sérhæfir sig í hljóðvistarlausnum

Samstarfsverkefnið Ró

Ullarvinnslufyrirtækið Ístex

Sýningarstjórar: Birgir Örn Jónsson og Signý Þórhallsdóttir

Teiknari: Rán Flygenring

Ljósmyndir: Axel Sigurðarson

iframe code

NEARBY SERVICES

  • Best of Iceland

    Best of Iceland
  • Related Articles

      Eggert Magnússon 1915 – 2010

      Eggert Magnússon 1915 – 2010

      Eggert Magnússon  1915 - 2010 Eggert er Reykvíkingur í húð og hár. Foreldrar hans voru Magnús Jónsson frá bænum Breið...
      Hagkvæmt húsnæði á Hönnunarmars

      Föstudagur á HönnunarMars

      Föstudagur á HönnunarMars

      16.03 | OPNANIR & FJÖR 08:30-11:00 | Hagkvæmt húsnæði, ungt fólk og fyrstu kaupendur. Ráðhús Reykjavíkur,  09:00-1...

      Hafnarborg, Institute of Culture and Fine Art

      Hafnarborg, Institute of Culture and Fine Art

      Hafnarborg – The Hafnarfjörður Centre of Culture and Fine Art was established in 1983. The museum has two exhibition gal...

      Ólafur Túbals 1897 – 1964

      Ólafur Túbals 1897 – 1964

      Ólafur Karl Óskar Túbalsson, Ólafur Túbals (1897 – 1964) var íslenskur myndlistarmaður, frá Múlakoti í Fljótshlíð. Ól...