2. desember opnar sýning á verkum Ásdísar Kalman myndlistarmanns í Gallerí Grótta, sýningin er á Eiðistorg 11 á 2. hæð Seltjarnarnes.
Málverkið er sá miðill sem Ásdís hefur aðallega notað en einnig hefur hún gert verk með blandaðri tækni. Á sýningunni í Gallerí Grótta heitir Ljósbrot og byggist á málverkum sem eru unnin á árunum 2019 -2021. Verkin eru viðleitni í leit að ljósi, upplifun og minningu. Þau verða til í athöfninni við að mála eftir innsæi. Verkin eiga það sameiginlegt að vera abstrakt og eru máluð með olíu á striga. Ásdís hefur haldið margar einkasýningar og tekið þátt í fjölda samsýninga á Íslandi og erlendis.
Sýningin stendur til 8. janúar 2022.
Opið er mánudaga – fimmtudaga kl. 10-19, föstudaga kl. 10 -17 og á laugardaga kl. 11-14. Allir velkomnir
