Fyrirvari – opin vinnustofa í aðdraganda sýningar

Fyrirvari – opin vinnustofa í aðdraganda sýningar 
Frá 13. til 27. mars

Frá 13. til 27. mars verður opin vinnustofa í Hafnarborg í aðdraganda nýrrar sýningar hönnuðanna, Fyrirvara, þar sem hægt verður að fylgjast með uppsetningu og undirbúningi sýningarinnar. Þar er ferlið allt opnað og gestum gefst tækifæri til að skyggnast á bakvið tjöldin en á sýningunni verður sköpunarferlið sjálft sýningarefnið, þar semmismunandi stig hluta og hugmynda verða sýnd og opnuð almenningi til athugunar.
Brynjar og Veronika hafa sett upp vinnuaðstöðu í aðalsal Hafnarborgar með það að markmiði að opna sýningu á verkum sínum í lok mánaðarins, í tengslum við HönnunarMars. Hluta vinnustofu þeirra í Suður-Frakklandi var pakkað í kassa sem sendir voru yfir hafið hingað til Íslands. Samið var umsýninguna með árs fyrirvara og lagt upp með að þau hefðu nokkuð frjálsar hendur um fyrirkomulag, verk og uppsetningu. Í salnum koma þau fyrir hönnun á ýmsum stigum, rannsóknargögnum jafnt semfullbúnum hlutum. Þau vinna einnig með salinn sjálfan, form hans og stemmningu og gera rýmið aðsínu. Óvenju rúmur tími gefst að þessu sinni til uppsetningar sýningarinnar, svo svigrúm sé til að náfram andrúmslofti vinnustofunnar, þar sem þau setja fram með hlutum, texta, myndum og hljóði þáóljósu ferla sem þræða skapandi hugsun.
Þau Brynjar Sigurðarson (f. 1986) og Veronika Sedlmair (f. 1985) hafa unnið saman síðan 2015   að rannsóknum, hugmyndum og verkefnum sem oft er erfitt að staðsetja á skalanum frá myndlist til hönnunar eða hönnunar til myndlistar. Enda skiptir slík staðsetning ekki endilega máli, þar sem verk þeirra bjóða upp á upplifun sem er bæði sjónræn og vitsmunaleg. Hlutirnir sem mæta okkur eru allt í
senn tilviljanakenndur samtíningur, skipulögð heimildavinna, skissur og það sem kalla má fullbúna hluti. Hlutirnir hafa þó ekki endilega skýran tilgang, heldur eru þeir opnir til túlkunar þess sem virðir þá fyrir sér.
Aðgangur er ókeypis og allir velkomnir.

Related Articles

    Gallery Fold

    Gallery Fold

    Gallerí Fold is Iceland's leading auction house and foremost fine arts dealership. Established in 1990, Gallerí Fold has...

    Hafsteinn Austmann

    Hafsteinn Austmann

    Hafsteinn Austmann Hafsteinn Austmann Þótt Hafsteinn Austmann hafi ekki málað lengi, kveður hann sér hljóðs á þann h...

    Hof Cultural and Conference Center

    Hof Cultural and Conference Center

     In the spring of 2014 the representatives of the Akureyri Theatre Company (Leikfélag Akureyrar), the North Iceland Symp...

    Jón Axel Björnsson

    Jón Axel Björnsson

    Jón Axel er fæddur 2 febrúar 1956 í Reykjavík. Nám: Myndlista- og handíðaskóli Íslands 1975-1979. Jón er starfandi mynd...


Strandgata 220 Hafnarfjörður



CATEGORIES



iframe code

NEARBY SERVICES

  • Best of Iceland

    Best of Iceland