Gunnhildur fæddist í Vestmannaeyjum og ólst þar upp þar til hún flutti til Reykjavíkur árið 1969 til að stunda nám við Myndlista- og handíðaskólann og lauk hún þar námi árið 1973. Síðar lauk hún námi við keramikdeild Kunsthandværkerskolen i Kolding í Danmörku en þar var hún á árunum 1989-1992. Gunnhildur / Hildur hefur verið myndlistakennari alla sína starfsævi að undanskildum árunum í Danmörku. Myndir Gunnhildar eru fyrst og fremst fígúratíf verk. Oftast með manninn / konuna í forgrunni í samspili við liti og náttúruna þar sem sagðar eru augnablikssögur lífsins.
