Listasafnið á Akureyri – A! Gjörningahátíð

Listasafnið á Akureyri – A! Gjörningahátíð
05.10.2023 – 08.10.2023
Salir 10 11 og víðar

A! er fjögurra daga alþjóðleg gjörningahátíð sem haldin er árlega, nú í níunda sinn. Hátíðin er samvinnuverkefni Listasafnsins á Akureyri, Leikfélags Akureyrar, Menningarhússins Hofs, Gilfélagsins, Vídeólistahátíðarinnar Heim, Listnámsbrautar Verkmenntaskólans á Akureyri og Kynningarmiðstöðvar íslenskrar myndlistar. A! er eina hátíðin á Íslandi sem einbeitir sér einungis að gjörningalist.

Fjölbreyttir gjörningar og leikhústengd verk af öllum toga eru á dagskránni. Þátttakendur eru ungir og upprennandi listamenn, ásamt reyndum og vel þekktum gjörningalistamönnum, dans- og leikhúsfólki. Á meðal þeirra sem komið hafa fram eru Kristján Guðmundsson, Gjörningaklúbburinn, Elisabeth Raymond, Rúrí, Theatre Replacement, Katrín Gunnarsdóttir, Tricycle Trauma, Áki Sebastian Frostason, Brák Jónsdóttir, Anna Richardsdóttir, Snorri Ásmundsson, Florence Lam, Olya Kroytor og Dýrfinna Benita Basalan.

Á hverju ári breytir hátíðin Akureyri í suðupott spennandi gjörninga. Ókeypis er inn á alla viðburði.