Safnahúsið – Sjónarafl

Safnahúsið
Sjónarafl – Vilt þú læra myndlæsi?
10. desember kl. 14:00 – 15:00

Listasafn Íslands og Listfræðifélagið hafa nú tekið höndum saman þar sem listfræðingar bjóða almenningi í Safnahúsið við Hverfisgötu að læra aðferðir myndlæsis. Gestir fá tækifæri til þess að skoða verk í safneign Listasafns Íslands og taka þátt í samræðum um verkin sem leiddar eru af listfræðingum.
Þátttakendur fá þannig lykla sem að auðvelda þeim að njóta hvaða myndlistar sem er. Komið og kynnist íslenskri myndlist, verið hjartanlega velkomin!
Í þetta skiptið mun Edda Halldórsdóttir fara fyrir hópnum. Edda er listfræðingur og hefur undanfarin sjö ár starfað hjá Listasafni Reykjavíkur í deild safneignar og rannsókna. Hún hefur sýningarstýrt ýmsum sýningum hjá safninu, m.a. sýningum í D-salarröð safnsins í Hafnarhúsinu og sýningum á verkum Jóhannesar S. Kjarvals á Kjarvalsstöðum.
Áður starfaði hún hjá Kynningarmiðstöð íslenskrar myndlistar, sem stundakennari í listfræði við Háskóla Íslands, sem framkvæmdastjóri Sequences-myndlistarhátíðar, auk annarra verkefna á sviði myndlistar og listfræða. Edda situr í stjórn Listfræðafélags Íslands.

Óskað er eftir skráningu á þennan viðburð í gegn um netfangið [email protected] Takmarkaður fjöldi.