Dagur íslenskrar náttúru

Dagur íslenskrar náttúru og lífið í Soginu
16. september 2023

Alviðra, náttúruverndar og fræðslusetur Landverndar og Náttúruminjasafn Íslands bjóða til fræðslugöngu í tilefni af Degi íslenskrar náttúru laugardaginn 16. september kl. 14:00.

Sogið er vatnsmesta lindá landsins og á uppruna sinn í Þingvallavatni. Sogið er rómað fyrir náttúrufegurð, fugla og fiska. Sogið sameinast Hvítá við Öndverðarnes og myndar þar vatnsmesta fljót landsins, Ölfusá.

Leiðsögumaður um lífríkið í Soginu verður Skúli Skúlason líffræðingur, en Tryggvi Felixson stjórnar göngu.
Gangan hefst við Náttúruverndar- og fræðslusetur Landverndar í gamla bóndabænum að Alviðru kl. 14:00 laugardaginn 16. september. Gengið verður norður með Ingólfsfjalli þar sem gott útsýni er yfir Sogið og farið verður niður að Soginu á móts við Álftavatn. Áætlað er að gangan að Álftavatni og aftur heim í bæ taki 2 til 3 klukkustundir.

Eftir göngu verður boðið upp á kakó og kaffi í bænum og samtal um verndun íslenskrar náttúru. Afmælisbarnið Ómar Ragnarsson hefur hug á að mæta og ræða stöðu náttúruverndar á Íslandi.

Í Alviðru verður einnig kynning á verkefninu Grenndargarðar sem Auður I Ottesen hefur staðið fyrir undanfarin þrjú ár og boðið verður upp á ávexti sumarsins.
Alviðra er undir Ingólfsfjalli við Sogið á móts við Þrastarlund við Grafningsveg, rétt norðan við vegamótin við Biskupstungubraut.

Dagur íslenskrar náttúru var stofnaður þann 16. september árið 2010 af ríkisstjórn Íslands að tillögu Svandísar Svavarsdóttur þáverandi umhverfisráðherra. Dagurinn er fæðingardagur Ómars Ragnarssonar og stofnaður til heiðurs því mikla starfi sem Ómar hefur lagt til náttúruverndar og almenningsfræðslu um mikilvægi íslenskrar náttúru sem og öllum þeim sem lagt hafa sitt af mörkum til að fræða okkur um íslenska náttúru.

Náttúruverndar- og fræðslusetur Landverndar 816 Selfoss

552 5242

[email protected]

landvernd.is/


16. september kl. 14:00


CATEGORIES

NEARBY SERVICES

  • Best of Iceland

    Best of Iceland
  • Related Articles

      Stór-Ísland í Hafnarhúsi

      Stór-Ísland: Leiðsögn listamanns

      Stór-Ísland: Leiðsögn listamanns

      Sunnudag 11. febrúar kl. 15.00 í Hafnarhúsi Myndlistarmaðurinn Joris Rademaker verður með leiðsögn um sýninguna Stór-Ís...
      Sýningin Því meira, því fegurra eftir Erró í Hafnarhúsi. Ljósmynd: Hildur Inga Björnsdóttir.

      Án titils – samtímalist fyrir byrjendur

      Án titils – samtímalist fyrir byrjendur

      Sýningin Því meira, því fegurra eftir Erró í Hafnarhúsi. Ljósmynd: Hildur Inga Björnsdóttir. Án titils – samtímalist ...

      MARGRÉT H. BLÖNDAL

      MARGRÉT H. BLÖNDAL

      MARGRÉT H. BLÖNDAL Aerotics / Loftleikur 3. september - 10. október 2020 Margret H. Blöndal sjá biografi sjá hér ...

      Hannesarholt – Við Vötnin

      Hannesarholt – Við Vötnin

      Ingibjörg Dalberg - Við Vötnin 2. september - 16. september 2023  Viðfangsefni sýningarinnar er að mestu tengt vötnum ...