Garðyrkjustöðin Kvistar

Garðyrkjustöðin Kvistar er í Reykholti, Biskupstungum, Bláskógabyggð.  100 km frá Reykjavík.  Keyrt er upp Grímsnesið áleiðis að Geysi, framhjá Reykholti ca. 300 m, þá komið að skilti við þjóðveginn sem vísar á garðyrkjustöðina.

Garðyrkjustöðin var stofnuð árið 2000 og voru þá eingöngu framleiddar skógarplöntur í fjölpottabökkum.

Í dag eru framleiddar og til sölu ýmsar tegundir garð- og skógarplantna, ýmist ungplöntur í bökkum eða eldri plöntur í pottum.

Garðyrkjustöðin hefur frá upphafi framleitt plöntur fyrir Landshlutabundnu skógræktarverkefnin s.s. Suðurlandsskóga, Vesturlandsskóga og Hekluskóga, og sérhæfir sig í framleiðslu skógarplantna og plantnta í sumarbústaðalönd.

Nú hefur garðyrkjustöðin hafið ræktun á Hindberjum, Brómberjum og Jarðarberjum. 

Vonast er til að berjatínsla byrji í fyrstu viku maí.  Þá verður hægt að kaupa nýtínd ber hér í garðyrkjustöðinni.

Eigendur eru hjónin Hólmfríður Geirsdóttir garðyrkjufræðingur og Steinar Á. Jensen rafvélavirki.