HJARTA REYKJAVÍKUR: ÞVERSAGNIR – HEIÐRÚN KRISTJÁNSDÓTTIR
- Sýning á verkum Heiðrúnar Kristjánsdóttur opnar í Hjarta Reykjavíkur næstkomandi laugardag og ber yfirskriftina Þversagnir. Verkin voru unnin árið 2020 og er efniviðurinn gamlar bækur og annað prentverk, líkt og Heiðrún hefur unnið með áður, upprúllaðar blaðsíður sem dýft er í Pelikan blek og húðaðar með örþunnu vaxi.
Heiðrún Kristjánsdóttir stundaði myndlistarnám á Íslandi og í Bandaríkjunum.
Hún hefur kennt myndlist í áraraðir og haldið 5 einkasýningar.
Sýningarrými Hjarta Reykjavíkur hefur hýst margar sýningar undanfarið ár og er staðsett bakatil í versluninni á Laugavegi 12b.
Sýningin Þversagnir opnar laugardaginn 4. september kl 17 og stendur til 3. október.
