Hjarta Íslands – Frá Eldey til Eyjafjarðar er afar veglegt rit um gersemar náttúru Íslands frá Reykjanesi, um Vestfirði og til Norðurlands. Hér er meðal annars fjallað um perlur í nágrenni höfuðborgarsvæðisins, töfra Snæfellsness, eyjarnar á Breiðafirði, friðlandið á Hornströndum og stórbrotna dali Tröllaskaga.
Gunnsteinn Ólafsson fléttar saman í lifandi texta náttúru, sögu, þjóðtrú og bókmenntum, svo úr verður einstök mynd af lífríki og mannlífi á Íslandi í yfir 1100 ár.
Bókina prýða stórkostlegar myndir Páls Stefánssonar sem hann tók sérstaklega fyrir þetta mikla verk, bæði á jörðu niðri og úr lofti.
Höfundar bókarinnar gjörþekkja náttúru Íslands. Gunnsteinn hefur um áratuga skeið farið með ferðamenn um landið og Páll myndað það fyrir bækur og tímarit heima og erlendis í yfir þrjátíu ár. Þeir hlutu mikið lof fyrir bók sína Hjarta Íslands – Perlur hálendisins sem út kom árið 2018.
Fyrir tveimur árum gáfu Gunnsteinn og Páll út bókina Hjarta Íslands – Perlur hálendisins og fékk hún prýðilega dóma. Á næsta ári loka þeir hringnum með þriðju bókinni um náttúru og menningu landsins frá Hrísey til Þingvalla.
