Uppruni, saga og hönnun íslensku lopapeysunnar

Uppruni Lopapeysunnar

Uppruni, saga og hönnun íslensku lopapeysunnar í máli og myndum

Hádegisfyrirlestur Þjóðminjasafns Íslands

 

Þriðjudaginn 30. janúar kl. 12 flytur Ásdís Jóelsdóttir, lektor við Háskóla Íslands erindi í fyrirlestrasal Þjóðminjasafns Íslands. Ásdís er höfundur bókarinnar: Uppruni, saga og hönnun íslensku lopapeysunnar í máli og myndum, en hún hefur einnig gefið út bækur um sögu hönnunar og íslenska fatasögu.

Innihald bókarinnar byggir á víðtækri rannsókn á rituðum heimildum og ljósmyndum auk þess sem tekin voru viðtöl við fjölda aðila sem á einhvern hátt höfðu komið að gerð og mótun íslensku lopapeysunnar. Niðurstöður sýna að íslenska lopapeysan er séríslensk frumhönnun sem mótast hefur í samvinnu margra aðila og saga hennar og þróun er samofin samfélags-, iðnaðar-, útflutnings-, hönnunar– og handverkssögu þjóðarinnar.

Uppruna lopapeysunnar má helst rekja til gróf- og fljótprjónaðra lopapeysa á bændur og sjómenn og  vinsælla útvistarpeysa á bæði kynin með einkennandi útprjónuðum hringlaga munsturbekkjum. Á sama tíma var hún orðin að minja- og lúxusvöru og síðar á sjötta og sjöunda áratugnum að eftirsóttri útflutningsvöru. Hversu góð söluvara lopapeysan hefur orðið má þakka því hve einföld hún er í framleiðslu og fljótunnin. Þannig hefur þjálfun og reynsla íslenskra prjónakvenna ásamt ánægju þeirra af því að prjóna lagt grunninn að hönnun og tilvist peysunnar. Íslenska lopapeysan hefur einnig verið nefnd í samhengi við það sem ber að virða, vernda og viðhalda og því var orðið tímabært að skrá sögu hennar og uppruna.

Allir velkomnir og ókeypis aðgangur.

Þjóðminjasafnið logo

Þjóðminjasafn Íslands. Suðurgata 41 101 Reykjavík

+354 530 2200

[email protected]

www.thjodminjasafn.is


30. janúar 2018 kl 12:00


CATEGORIES



NEARBY SERVICES

  • Best of Iceland

    Best of Iceland
  • Related Articles

      HELGI GRETAR LISTMÁLARI MEÐ SÝNINGU

      HELGI GRETAR LISTMÁLARI MEÐ SÝNINGU

      Listamaðurinn lengi þar við undi  Hann sigldi ungur til Danaveldis til að læra skiltamálun en sérhæfði sig seinna í mar...

      Þórunn Bára Björnsdóttir Foldarskart

      Þórunn Bára Björnsdóttir Foldarskart

      Laugardagurinn 15. apríl er lokadagur sýningar Þórunnar Báru Björnsdóttur  Foldarskart í Gallerí Fold við Rauðarárstíg. ...

      B. Ingrid Olson

      B. Ingrid Olson

      20. janúar - 20. desember 2023 B. Ingrid Olson ...

      Grýla, Leppalúði og Svavar Knútur

      Grýla, Leppalúði og Svavar Knútur

      Grýla, Leppalúði og Svavar Knútur Sunnudaginn 4. desember klukkan 14:00 mæta svo hjónin Grýla og Leppalúði til byggða...