Kindasögur
Íslenska sauðkindin er harðger, úrræðagóð og ævintýragjörn, það vita allir sem hana þekkja. Í þessari bók eru rifjaðar upp sögur af íslenskum kindum að fornu og nýju, afrekum þeirra, uppátækjum og viðureignum við óblíða náttúru og kappsfulla smala.
Við kynnumst meðal annars Herdísarvíkur-Surtlu, Eyvindarmúla-Flekku, villifé í Tálkna, hrútnum Hösmaga í Drangey og forystusauðnum Eitli. Kindasögur eru sérstök grein íslenskrar sagnaskemmtunar sem á sér langa sögu en lifir enn góðu lífi – rétt eins og sauðkindin sjálf. Höfundar bókarinnar eru áhugamenn um sögur og sauðfé.
Sögur af hálfgerðri hulduveru
Fréttablaðið kíkti í kaffi til Guðjóns og Aðalsteins sem gáfu í dag út bókina Kindasögur. Í hana hafa þeir tínt til skemmtilegar frásagnir af íslensku sauðkindinni sem þeir hafa ýmist sótt í gömul tímarit eða samtöl við fólk. Sjá meira hér
